حدث بالأمس بأحد مساجد الأسكندرية الموجود في منطقة شعبية للغاية : حضر القيادي الإخواني المعروف وألتف حوله عشرات الشباب في جلسة وضوح رؤية وبدأ يتحدث معهم عن مشروع النهضة وعن الثقة في القيادة وكل شيء مدروس وطالبهم بتوثيق علاقتهم بالناس وعن تقديم نموذج التواضع مع الناس والزهد في الحياة فقام الشباب معه بالواجب : أولهم : قال له مشروع نهضة إيه إللي أنت خليتوا الناس تأكل وشنا علي مشروع إحنا مش فاهمين أوله من أخره ..القيادة جالسة في المكاتب الإدارية ومكتب الإرشاد بتشرب شاي وإحنا مع الناس في الشارع بنسمع كلام سم وبنشيل طين ....!! أخ ثاني قال له فين مدروس دي وإحنا مش شايفيين أي نتائج ..؟!! أخ ثالث ربنا يكرمه أوجز فأوجع قال للأستاذ الكبير حضرتك بتكلمنا عن الزهد والتواضع مع الناس هو حضرتك راكب عربية نوعها إيه ....؟!! فلم ينبس القيادي الكبير ببنت شفة !!! بصراحة ردود بقية الشباب في اللقاء كانت زي الفل وتكشف أن الشباب بدأ يتملل بل بدأ يتحرك ..وهنا يظهر الأمل ملحوظة علي الماشي القيادة الكبير يركب سيارة BMW لكني مش متأكد الفئة الكام بس هي حاجة كده متواضعة علي الأخر !!!! المصدر : صفحة هيثم ابوخليل على الفيس بوك
|