شهادتى على ما حدث فى انتخابات اتحاد طلاب مصرانا محمد حسن نائب رئيس اتحاد طلاب جامعة بنها
توجهنا فى الساعة الثامنه مساء الى معهد اعداد القادة بحلوان لعقد انتخابات اتحاد طلاب مصر , بداء اليوم بكلمة من لجنة التنظيم و التعارف ثم قام المستشار القانونى عميد كلية الحقوق بجامعة بنى سويف بشرح النظام الانتخابى بانه يفوز بمنصب رئيس اتحاد طلاب مصر الحاصل على 50% +1 من الاصوات و فى حال عدم وصول اى من المرشحين لهذه النسبة تتم الاعادة بين اعلى مرشحين فازوا بالاصوات , فاذا بهجوم حاد و اصوات عالية من طلاب الاخوان المسلمين ليطالبوا بان يفوز صاحب اعلى الاصوات بين المرشحين مباشرتاً حتى لو لم يصل الى نسبة ال50% , استمروا فى جدال طويل مع اللجنة المشرفة على الانتخابات متحججين بان اللائحة لم تنص على نظام محدد للانتخابات انتهى الامر بقبول اللجنة لطلبهم بعمل تصويت على النظامين الانتخابيين , طبعاً احنا اعترضنا و قولنا ان المستشار القانونى فسر اللايحة بالشكل ده و هو ده دوره و اللايحة نصت على وجود مستشار قانونى عشان يفصل فى الاشكالات القانونية و بعد الانتخاب اللى معترض له حق الطعن و رفضنا طبعاً التصويت على القانون فى الوقت اللى طلاب الاخوان بداءوا يرفعوا ايديهم و يعدوا نفسهم , اتلغى التصويت و بداء الهرج و المرج فى القاعة
و جدال و اصوات عالية من الجميع انتهى بطلب اللجنة المنظمة للتصويت مرة تانية و قام طلاب الاخوان تانى و قومنا رفضنا و اعترضنا و انسحب واحد مننا و بعدين خرجنا جبناه , و بدائنا نطالب بدخول الاعلام اللى اللجنة المشرفة منعته من الدخول , فاللجنة عرضت علينا عرض اننا نصوت على النظام الانتخابى و دخول الاعلام فوافقنا , و بداءوا بالتصويت على النظام الانتخابى و بسبب الفوضى فى القاعة طلب من كل فرد موافق على نظام الاكثرية انه يطلع على المسرح و طلع طلاب الاخوان برجليهم و بمحض ارادتهم الكاملة الى المسرح و لما عدوهم طلعوا اقليه فقالوا خلاص نعتمد نظام ال 50% + 1 , فجأة بداء صياح كبير لطلاب الاخوان عايزين نطبق اللايحة مينفعش نصوت ع اللايحة ده غير قانونى وسط زهوووووول الجميع , و دخلوا فى مشادات عنيفه مع لجنة التنظيم بدائنا نسحب نفسنا لاخر القاعة عشان الشباب العصبى اللى معانا كان ممكن جداً حد منهم يشتبك معاهم , استمرت المشدات حوالى ربع الساعة طالب فيه طلاب الاخوان بتحويل النص الى مجلس الدولة للرد بتفسير فيه , الى ان قرر المستشار القانونى ان يكون التصويت بالكشف كل عضو فى المجلس يطلع يمضى جنب اسمه و يكتب النظام الانتخابى اللى هو
عايزه اعترضوا و بدائوا يقتحموا المنصة و ده اللى واضح فى الصورة , فى الوقت اللى احنا كنا واقفين نتفرج و فى قمة الضحك على احد اغرب المواقف اللى قابلتنا فى حياتنا , تطور الموقف الى قفز احد طلاب الاخوان على المنصة و اخد كشف الاسماء اللى الطلبة كانت بتنتخب بيه و قطعه و بعدين واحد تانى كسر صندوق الانتخابات , فاضطرت اللجنة لتاجيل الانتخابات نظراً لبلطجة طلاب الاخوان
نيمنى فى المعهد و صحينى الصبح قعدنا نتفاوض مع طلاب الاخوان عشان نقنعهم يجوا معانا الوزارة عشان نروح نشوف حل و روحنا و قعدنا مع مستشار الوزير لان الوزير مسافر سابنا نتفق , قعدنا و اتفقنا على اربع نقط : تغير اللجنة المشرفة و المستشار القانونى - حضور الاعلام - حضور ممثلين الجامعات الخاصة - فى حالة عدم التوافق على النظام الانتخابى يحال النص لمجلس الدولة للافتاء فيه , و جيه المستشار عشان نعرض عليه طلبتنا فاحنا طبعاً قولناله يحول النص لمجلس الدولة لاننا مختلفين ما ده طبيعى الساعة بقيت 7 مساء يعنى بقالنا 23 ساعة بالظبط بنتخانق على النظام الانتخابى مش معقوله هنتفق فى نص ساعة , فجأة لاقيناهم بيعترضوا و بيقولوا مجلس الدولة هياخد شهور على ما يرد احنا نتوافق افضل تييييييييييييييييييييييييت
المهم قولنلهم عموماً احنا قرارنا %50 و مش هنتنازل اقعدوا مع بعض لو ينفع تتنازلوا اهلاً و سهلاً عدت ساعتين كاملين و فى الاخر رجعوا قالوا بكره نتفق بالتليفون و لو مش كده نحول لمجلس الدوله
اترك لكم التعليق
Mohamed Hassan
| 
أهلاً بك ضيف | RSS