هيثم أبوخليل طيب ممكن أقول كلمتين حيزعلوا مني الإخوة إللي شايفين في الرئيس محمد مرسي إللي إحنا مش شايفينه ... والله يا جماعة أنا أنتخبت الرئيس مرسي ومن كل قلبي للآن عايزه ينجح لأن مردود ده حلاقيه في شغلي وعلي حياتي وعلي بيتي وعلي عيالي والأهم علي بلدي ... وكمان لما بأتكلم ..بأتكلم بدافع الأمانة وكلمة الحق .. يعني أنا مش عميل أو خاين وليس لي علاقة بأي حزب أو جماعة نهائيا ... الرئيس بجد ... خانق ..مشوش ..بيلف ويدور ...غير صريح ..يكذب ويتجمل .. ليس لديه خيال سياسي يبدع ويفاجيء الشعب بمواقف جديدة غير متوقعة وليس له أداء مبهر ... ممل يكرر نفس الأكلشيهات من العبارات المستهلكة عايش وكأنه في كهف أو في بحر من الوهم يتحدث عن حب الشعب الذي زاد وعن نهضة تنهض وعن خزعبليات لا يراها إلا هو ... يا مرسي ... إحنا بنصارحك ...أتغير ..أو البلد دي حتضيع وأنت حتكون أحد الأسباب
|